Aldou Cafe (已易手) 新餐厅

今晚约好左同中学同学食饭，咁耐无见，当然揾返间舒适既黎坐低食下野啦。每人叫左一份餐，先黎餐汤，系南瓜汤黎架，味道浓郁，南瓜香味仲有清甜味道，绝对系当造南瓜既味道。加埋面包焗过外脆内软，估唔到面包都做得唔错。跟住系鸭肝汉堡包，鸭肝食落外脆内软滑，比鹅肝瘦一点，而且冇一阵苏味，所以比鹅肝更容易入口，另外汉堡扒够多肉汁，芝士够晒香，面包又软淋淋所以食落好滋味，加上粗薯条炸得博博趣，配上沙律菜够清新，确实系几吸引。另一样系虎虾比目鱼，虎虾非常新鲜，虾肉食落够晒弹牙，而且充满鲜味，比目鱼大大嚿，鱼皮煎得非常趣，加上鱼肉又够滑溜又够新鲜，食落仲充满海鲜嘅鲜甜味，仲有薯蓉带牛油香味，系有质素嘅西菜。