影片
更多
2019-07-05
49 浏览
今晚约左位大胃王朋友出嚟大角咀饮嘢聚会，佢话想食德国嘢加饮啤酒，所以search 完一轮就决定嚟依度饮饮食食。依间店比较偏细，位唔多，但就几阔落，坐得几舒服。德国最出名系咩？当然系德国肠同德国咸猪手啦。我地先叫左一个德国咸猪手配酸菜及薯仔沙律同埋德国超级香肠拼盘。叫完嘢等上菜时，当然要叫反个啤酒一边饮一边等菜啦。我地两个Erdinger dunkel。德国黑啤：以前饮过德国黑啤系偏苦既，但今次饮依只德国黑啤就唔苦，而且饮完后，口腔有阵好明显既谷麦味，几好饮。德国咸猪手：个咸猪手上台前已经预先砌好咗，方便我哋进食。而且佢个猪手嘅皮好脆，食落去索索声，啲肉就偏实净都几入味。 佢有两只酱畀我哋点，一个系黄咖哩，另一只就有少少似麦乐鸡酱。 薯仔沙律就不过不失。德国超级香肠拼盘：呢个肠拼盘有四种肠：脆皮而长嘅𠮶只，就比较香口。白色𠮶两种肉肠，肠生比较软但肉质地就实净啲，而且有阵香草味。短𠮶只脆皮肠就最juicy。佢有酸菜同薯条。食左油腻既肠，食返少少酸菜中和返，几好。因为同大胃王出街食饭呢两碟嘢都仲未够饱所以我哋再加码叫咗香草酱烟肉三文鱼意粉&仪式肉丸烩松露意大利饭。香草酱烟肉三文鱼意粉：个意粉
依间店比较偏细，位唔多，但就几阔落，坐得几舒服。
德国最出名系咩？当然系德国肠同德国咸猪手啦。
我地先叫左一个德国咸猪手配酸菜及薯仔沙律同埋德国超级香肠拼盘。
叫完嘢等上菜时，当然要叫反个啤酒一边饮一边等菜啦。我地两个Erdinger dunkel。
德国黑啤：
以前饮过德国黑啤系偏苦既，但今次饮依只德国黑啤就唔苦，而且饮完后，口腔有阵好明显既谷麦味，几好饮。
德国咸猪手：
个咸猪手上台前已经预先砌好咗，方便我哋进食。而且佢个猪手嘅皮好脆，食落去索索声，啲肉就偏实净都几入味。 佢有两只酱畀我哋点，一个系黄咖哩，另一只就有少少似麦乐鸡酱。 薯仔沙律就不过不失。
德国超级香肠拼盘：
呢个肠拼盘有四种肠：
脆皮而长嘅𠮶只，就比较香口。白色𠮶两种肉肠，肠生比较软但肉质地就实净啲，而且有阵香草味。短𠮶只脆皮肠就最juicy。佢有酸菜同薯条。食左油腻既肠，食返少少酸菜中和返，几好。
因为同大胃王出街食饭呢两碟嘢都仲未够饱所以我哋再加码叫咗香草酱烟肉三文鱼意粉&仪式肉丸烩松露意大利饭。
香草酱烟肉三文鱼意粉：
个意粉有好多芝士同埋香草，令到成个意粉好入味，烟三文鱼就几香。唔错。
仪式肉丸烩松露意大利饭：
未开始食，已经闻到好浓烈嘅松露味。而饭上面果四粒肉丸就有好浓既肉味。成个饭都好多汁，好Juicy。正。
地方好坐，食物好食，啤酒又好饮。放工同朋友系度吹下水食下嘢就一流。
张贴
