越色牛肉粉餐廳 (已結業)

昨晚铜锣湾聚餐，临时转食越泰菜😋😋😋可能打风落雨少人成，都只是4、5桌坐左人。同行一共5个人。我们叫左2个2人套餐（但不包饮品的）一齐食!大部分都食晒，系咖喱沙白果碟大家无点食，因为我和另一位朋友试左有砂和有腥味，其他人听完就唔想食，但个咖喱汁几香椰香味。冬荫功汤和另一款蚬汤都好饮，小食有鸡翼、虾饼、串烧，我就最钟意虾饼，大大块啖啖肉!通菜系2碟不同调味的，其中一碟系马拉盏味，但我只食左放最近我果碟，唔会太咸，空口食都好食。菠萝炒饭味道偏淡，但入面菠萝唔酸呢点几好，因为见到用左新鲜菠萝炒。牛肉炒河呢碟最好味，我食得呢碟最多，朋友听到话好食又即刻食😂条鱼我就试左肉质ok的，无腥味，个汤底酸甜类似冬荫功汤，不过就应该无咁重料煮，所以阵味无冬荫功汤咁鲜明丰富。呢一餐的食物，如果5分满分，比到4分。铜锣湾食就一定唔平得去边，埋单平均每位约160几蚊，（朋友叫左2杯冻饮，另外仲有收加一）。