Plato Cafe & Bistro (吳松街)

好友约食饭，我地去咗佐敦嘅Plato， 因为之前试过油麻地𠮶间。佐敦呢间都好方便， 可以喺吴松街行过去只系几分钟。餐厅 喺地舖嚟讲都几阔落， 座位宽阔， 冇咩拘束可以坐耐啲倾吓食吓嘢。餐牌亦有很多套餐选择。 虽然如此仍然对牛扒情有独钟，决定选这客美国安格斯西冷牛扒。 牛扒选了七成熟， 还可以哩， 唔会太熟。 表面煎得好香口， 仲放上唔少黑椒同盐， 里面粉红色嘅肉质 仍然好juicy， 吃到原始肉味。 配菜还有烤熟嘅薯仔同新鲜沙律菜， 好均衡好美味嘅一个扒餐。是日餐汤紫苏蕃茄汤 配蒜蓉包 味道带少少天然嘅蕃茄酸， 清新开胃。 配以焗得香脆嘅蒜蓉包， 非常美味。朋友拣了龙虾汁大虾意大利饭$168卖相讨好， 有艺术感嘅铺排。 未食都闻到好香嘅龙虾汁味， 烟韧嘅意大利饭 粒粒都吸满龙虾汁， 非常惹味。 只虎虾鲜甜弹牙， 煮得啱啱好。一杯特浓朱古力同另一杯榛子朱古力， 相貌一样。 甜度适中， 唔会有大量冰块， 饮到最后都冇稀释左， 满足了很喜欢饮朱古力的我们。提拉米苏(+$8)想食啲cream嘅蛋糕但又唔想咁甜咁多忌廉， 呢款最啱。 咖啡味可以再浓一些， 朱古力果层都好香，反而冇咩酒味。