Ufufu Cafe (已結業)

约咗成年冇见嘅朋友喺度食饭，尖沙咀够晒方便！咁耐冇见梗系想拣间坐得舒服啲既餐厅！入去嘅时候店员同我地讲有限时，有一个朋友迟到所以我哋喺门口等左阵，等埋佢先入去，店员都冇话我哋阻住，仲好愿意俾我哋喺门口等。菜式好多拣到眼花，睇餐牌张张相都好似好好食。好耐冇饮过酥皮汤，呢度任何主食加＄30就有得饮，酥皮够脆好饮。焗饭有饭焦，正！推介佢哋嘅薄饼，好脆，芝士够多，几特别。仲有呢个芝士流心汉堡扒，好特别，用胶袋包住黎上，黎到侍应会帮你切开佢。不过都会谂胶袋放喺铁板上边烧会唔会致癌架🤔哈哈！黎到又点可以唔试佢既甜品！梳乎厘班戟都唔系间间甜品舖食得到，上边啲料好足， 丸子够晒大粒好烟韧，不过个班戟食起上嚟居然有啲似马拉糕！捞埋雪糕食好正。