影片
更多
2018-09-18
198 浏览
早排同朋友嚟咗呢间餐厅食饭聚旧，听闻系唔错嘅半自助餐，所以好期待。主菜系落order叫嘅，本来谂住要等，想出去攞其他嘢食先，但估唔到佢好快就上菜，侍应好贴心叫我地趁热食，于是就食咗主菜先啦。我叫咗嘅主菜系法式宝云酥羊架，佢嘅面包糠好香脆，里面又包含咗蒜蓉、芥末、蜜糖等等嘅香料，非常之入味。另外，佢配嘅薯菜都好特别，系干嘅香蒜、紫薯片、秋葵干同蕃茄仔，口味清新，口感干脆，又可以中和下浓烈嘅羊膻味。总括而言几中意呢道菜。我其中一个朋友就叫咗波士顿龙虾米占多，浓郁嘅芝士捞埋龙虾肉同各种配料，非常creamy。自助餐吧有嘅食物包括：餐汤、新鲜海鲜、沙律、饮品同甜品。甜品有啫喱同4款蛋糕，包括tiramisu、柠檬、朱古力同蓝莓，每款都系小巧细细份易入口。鱼生都好新鲜。有好多款新鲜海鲜，包括：生蚝、冻蟹、翡翠螺、青口同冻海虾，种类繁多，而且都好鲜甜。唯一系生蚝有少少沙，希望可以再洗干净d。价钱方面，因为系星期五晚会贵少少，每人$328再加一，同外面啲酒店自助餐价钱不相上下，但因为呢度食物质素都唔差，所以可以接受。
主菜系落order叫嘅，本来谂住要等，想出去攞其他嘢食先，但估唔到佢好快就上菜，侍应好贴心叫我地趁热食，于是就食咗主菜先啦。
我叫咗嘅主菜系法式宝云酥羊架，佢嘅面包糠好香脆，里面又包含咗蒜蓉、芥末、蜜糖等等嘅香料，非常之入味。另外，佢配嘅薯菜都好特别，系干嘅香蒜、紫薯片、秋葵干同蕃茄仔，口味清新，口感干脆，又可以中和下浓烈嘅羊膻味。总括而言几中意呢道菜。
我其中一个朋友就叫咗波士顿龙虾米占多，浓郁嘅芝士捞埋龙虾肉同各种配料，非常creamy。
自助餐吧有嘅食物包括：餐汤、新鲜海鲜、沙律、饮品同甜品。
甜品有啫喱同4款蛋糕，包括tiramisu、柠檬、朱古力同蓝莓，每款都系小巧细细份易入口。
鱼生都好新鲜。
有好多款新鲜海鲜，包括：生蚝、冻蟹、翡翠螺、青口同冻海虾，种类繁多，而且都好鲜甜。唯一系生蚝有少少沙，希望可以再洗干净d。
价钱方面，因为系星期五晚会贵少少，每人$328再加一，同外面啲酒店自助餐价钱不相上下，但因为呢度食物质素都唔差，所以可以接受。
张贴
