岳川串揚

营业中

休息中

今日同朋友去左铜锣湾食lunch，朋友带左我去间日式居酒屋，装修都几有日本风味，有著名大阪景点通天阁既图像，份外有旅行感。气氛好好，好岩同朋友去聚会，仲可以提早book枱或包场。午餐$68起都几抵食，一个套餐有包饮品、拌碟小食及味增汤。款式都几多可选择。CRAZY HOUR有啤酒优惠，越早越抵饮。烧挪威鲭鱼饭 $98鲭鱼烧得好香，加上柠檬汁，鲜甜无腥味，鱼肉嫩滑，鱼皮甘香带点脆边，不过要小心鱼都比较多骨。饭粒软绵，珍珠米好有饭香味。伴碟既蕃茄仔都好鲜甜，汤既味道唔太咸，好入口。串场鸡翼$15鸡翼炸得好香脆，皮薄有蜜糖味，好有惊喜，而且鸡翼大只黎来仲好有肉汁。值得推介。日式烧汁牛肉乌冬 $88烧汁味道浓郁，好有咸香味，牛肉口感软熟且好入味，有洋葱既清甜，加上香葱调味，有层次感，乌冬弹牙。配埋个热玄米茶，真系令人满足。