雞煲皇

营业中

休息中

因为上星期行去一间劲长龙鸡煲店时，行经呢间鸡煲皇，当时闻到个味好香好吸引，所以一星期后就走唻试下。我哋系坐楼上，比楼下大，但嘈啲...点了一个招牌鸡煲，全只鸡，之后再点了腐竹、粟米、脆鲩片打边炉。鸡煲唻到时，唔系想像中果种香味，食落都算可以，小辣应该一般人都接受到，洋葱煑极都唔淋，淋左入晒味会好味啲...全只鸡，但两个人食完好似无咩食过咁，因为只鸡好细，睇翼同脚就知系小小鸡...腐竹粟米都无问题，脆鲩就唔多新鲜，有少少瘀瘀地色咁... 服务都ok 嘅，好快有伙计唻应你，卫生就一般，地下都几滑同感觉好污糟咁。整体无想像中好，可能太大期望，因为佢叫自己做鸡煲皇嘛...