燒味滷師 (安發大廈)

营业中

休息中

朋友搬屋后邀约我去佢屋企食饭，人地咁客气我都唔可以两手空空，于是我就去斩料先上佢到。我唔系好熟依区，上网一揾就决定拜访烧味卤师。我谂紧食乜期间都有唔少街坊帮衬，好多人都系买烧味饭，因为好平。计埋我有成六条友，所以都要买多几款想去食，唔系唔好睇。最终我就买咗三款野上去！1️⃣禾田卤水鸭，半只，$60卤水鸭半只好足秤，鸭肉好大只，一啲都唔老，所以肉质够嫩。卤水亦好入味，但唔会咸。基本上唔使再点汁都已经好食。有时斩半只会好怕或多或少会偷少少，但呢到无咁的情况。2️⃣烧味佬叉烧，半斤，$503️⃣烧鸡翼，四只，$20叉烧系半肥瘦，油脂均匀，蜜汁味道甜甜的，亦唔会漏。肉质好嫩，烧得唔干身，整体系好高质，早知要咗一斤。大人就食鸡翼晦骨，师傅会将鸡翼一分为二。鸡翼就比较普通，正常水平。4️⃣麻辣手撕鸡，半只，$60本身我犹豫紧要麻辣定系麻酱海蜇𠮶款，后者好似仲抵食因为有海蜇，但我又好想食麻辣。经姐姐介绍后佢话呢度嘅麻辣老少咸宜，于是我就试试佢。姐姐冇呃我，麻辣味香多过辣，连朋友个细仔都食到，好好味道，食到上瘾。手撕鸡白雪雪，无乜瘀血，原来底部垫左旧胸骨，不过整体份量都算好多，正。