王家沙 (已結業)

每次去又一城都见到王家沙出面排满晒人,所以成日想试但又懒得等位,终于的起心肝打电话去订枱。真系好彩有订位,闲日去出面都得成10几人,我谂我7个人真系有排等!餐牌上实在太多选择了!样样都想试!冷盘小食:醉嘉美鸡-好强烈酒香,而且啖啖肉都腌到味!蒜泥白肉卷-其实我一心系以为蒜泥白肉,o黎到先知我搞错,佢系一个卷!里面系萝卜丝食落几爽趣,面层系蒜泥,挟起先见到碟面有一层辣油,都几辣!皮蛋豆腐-食沪菜必点的吧!超喜欢啊,豆腐好滑!肉松又够松化(唔系废话,因为好多时拌既肉松都系"淋"的)三丝粉皮-又系必点既前菜!平时都系食开鸡丝粉皮,三丝又真系唔同啲!加青瓜丝无咁漏!又无斋鸡丝咁"寡"。而呢个花生酱份量刚刚好!粉板又够薄!我个人认为系必点呀!虽然话系小份冷盘,但其实份量都唔细,我地7个都可以每人食到架!系三丝粉皮太正要encore!小笼包-唔需要多介绍啦,皮薄多汁是常识吧!一个字正!不过记得从上顶顶挟起咬一口再加姜丝落去食更加好味!甜栥饭-朋友话去王家沙必点栥饭!果然好介绍,出面旧饭够淋身,里面又够趣,整个口感非常烟韧‏!而且呢个系甜既,比较少食都算系几特别!担担面-真系唔系间间整得好食,好多时