華嫂冰室 (皇廷廣場)

营业中

休息中

年几两年前已久闻华嫂个蕃茄汤底，可惜元朗对我尼个九龙人黎讲，实在有少少远仲要晨早起身先食到。所以一听到话观塘会开分店，心谂终于可以食到啦！ $25+$8转蕃茄汤底 完全为左食个蕃茄汤底而黎😜芫茜汤底其实都好吸引，唯有留返下次。汤底都几稠，华嫂尼个汤底全部用新鲜蕃茄熬成，好浓郁既原个蕃茄味，食落都几酸下，感觉茄膏系无乜点落，系百分之百既真 · 蕃茄味呀！（不过可能会有人嫌酸得济）个人口味黎讲我觉得几好食，好浓味好正。猪扒味道就普普通通，D肉易咬但唔会系死淋，唔系过度松肉粉果只。几弹牙，亦唔会煎到干柴咁，唔错唔错。盛惠$33一碗，无饮品跟。钟意蕃茄汤底既不妨一试既 餐厅环境方面就一般茶记格局，但就坐得好挤逼，同隔离枱既人基本上系椅背贴椅背，你想离开个位要几个人企起身先让到条路比你出。不过无计啦，咁多人排队等食，咪唯有有几多位就放几多张枱啰。