琥酌 (已搬遷) 新店位置

地点方便亦旺中带静，餐厅环境以简约嘅日式居酒屋设计，座位不多，座位之间算宽阔，等候期间隐约传出阵阵香喷喷嘅烧烤味道，令人食指大动。前菜沙律非常新鲜，配上芝麻酱好开胃，海蜇爽口。～博多明太子玉子烧 ～鸡蛋控嘅朋友必然会点选 「玉子烧」平实蛋液配上百搭明太子，不会过咸反而鲜味，非当适合佐酒。～烧舞茸茶壶海鲜汤～以一个小茶壶盛载汤品，感觉保温又暖胃，配料舞茸、大虾、蚬、鱼片同元贝，令人惊喜嘅系一个小小嘅壸可以装到咁多海鲜！首先我地试无加入青柠-原材料嘅味道已经出众，之后再试加青柠-鲜味即时有提升，而且舞茸味道清幽令汤清而不俗 。～顶级安格斯牛吉列～外层系吉列皮，内层包住大约4-5成熟嘅安格斯牛，油脂分布平均及带少许嘅筋令到感觉更有咬口，放上热石炉板每边烧10-15秒，生熟度可以自己控制，牛嘅肉质柔软不会韧，跟随吉列牛嘅酱汁有三款，胡椒、芥末和岩盐，个人比较喜欢岩盐因可带出牛嘅鲜味，呢款牛之前已经听闻好味，果然闻名不如见面。～鳗鱼三品茶渍饭～最开心系一个饭有三款食法，首先单食，酱油及饭口感亦刚好，配上佐料、葱花、山葵、渍物当二食，最后加上清高汤当茶渍饭为第三食。鳗鱼份量多，入口肥美甘香，鳗鱼嘅