琥酌 (已搬遷) 新店位置

昨天，约了朋友在尖沙咀觅食，尖沙咀向来多楼上铺，价钱平啲又会好味啲，可以同朋友坐耐啲，谈天说地，相聚一刻。今日系九龙公园附近揾食，系openrice揾到依间吉烈牛专门店，琥酌，个名几日式，又可以食至爱既牛肉，所以慕名试下。入到去既布置日式，几暗，有气氛，七点钟入席，都几多人gathering，睇黎系一个适合聚会地方，唔赶人走。睇下佢餐牌，有吉列牛既set，火㶽，同酒，餐厅都放左好多日本出名既酒，有雾岛、响等等，几正！岩酒鬼！！我地最后叫左吉列牛，炸物set。前菜：味噌关东煮+牛肉，好重味噌味，配上萝卜同好淋既牛肉，系好既配搭。吉列牛： staff set左个小烧炉比我地烧，另设一啲本身炸左个边既和牛，中间系生既，等我地自己烧。另外，有啲蔬菜可以烧。 我地每面烧佢大约40秒左右（店员suggest的），牛肉好浓牛味，好食又新鲜。炸物set: 有蚝，薯饼同虾，配上烧汁，炸衣唔会太厚，咬落去都几juicy，应该系用低温炸完，再高温翻炸，先做得出外脆内软。食完之后我地就饮茶，佢既茶系浓既绿茶，食饱后消滞，可以坐好耐谈天说地！总结，依间日本餐厅系聚会好地方，食物质数不错，由其系吉列牛，可以翻桌！