函館元祖北海道拉麵 (已搬遷) 新店位置

今日同女友慕名前往用膳~夜晚九点左右去到, 本来念住会排队, 但点知原来唔系好多人~ 铺面面积虽小, 冇乜华丽o既装修, 但卑人一种简洁的感觉~ 唯一的缺点, 就系有只好细只o既蝇仔偶而出现~ 如果想有浪漫气氛("食装修"), 呢度唔系一个好o既选择~ 但小弟几欣赏果度o既格调, 光猛得黎有一种地道拉面馆的亲切感~ 而且因为人少, 所以感觉清静舒服~ 用膳期间, 前后有四位日本人光顾, 也可说是一个品质的肯定吧~讲番d食物~ 小弟同女友都点左牛油盐拉面~个汤真系好香好好味~ 加左牛油之后变得更有层次感~ 令人一试难忘~ 小弟去年试过中环的札幌拉面, 依稀记得该店的盐汤拉面也是令人十分感动~ 但碍于时间日久, 而且小弟味觉比较迟钝, 未能由函馆与札幌之间分出高下~ 但函馆的拉面绝对系一流水准之作~ 个人而言, 拉面的份量都几足下, 而且加左牛油的汤比较容易腻, 所以净系个拉面都食到饱晒, 未有机会试下其他小食~ 不过小弟几钟意杯冻茶~ 平时去开的拉面馆都系奉上热茶, 但天时暑热, 身水身汗之际, 一杯冰冻的红茶反而来得更体贴~ 而且食完浓味的食物, 冻茶可以令口腔更清爽~函馆果然名不虚传