麵屋一燈 (已結業)

一路都已经好想去面屋一灯试下佢哋嘅日本沾面 ，前排终于有机会去试，入到去个环境超舒服，而且有过超大嘅落地玻璃，望住个海坐喺窗边嘅位，可以望晒整个维多利亚港。招牌菜浓厚鱼介沾面一定要叫，另外我哋叫咗芳醇盐味拉面 ，亦都叫咗佢哋期间限定嘅柚子叉烧拉面，同埋追加盐烧鸡软骨。沾面入面嘅鸡肉丸子好弹牙好qq好味，而另外有只温泉蛋亦系必食之选，内有两块叉烧猪肉同埋鸡肉都好林，而最重要嘅鱼介高汤，鱼味十分浓厚而且食得出入面有秘制酱汁熬成，而且咸香味都好重，其他地方绝对食唔到。盐味拉面就有相同嘅𩠌，虽然个汤底睇上去好似清清地，但系都 好浓厚嘅味道因为用咗盐味秘制酱同埋干贝酱熬成，而柚子拉面上面嘅柚子好fresh，食上去就好清新而最紧要叉烧系特制烧过嚟，好香口食到停唔到口。鸡软骨就食得出系即叫即炸，每粒都热炙炙，点埋个秘制沙律酱食，系前菜嘅首选。