金華冰廳

营业中

休息中

今日系本地渔农美食嘉年华最后一日，因为地点喺旺角花墟，所以同爸爸先食个tea。途经金华见门口大排长龙买蛋挞，谂起之前电视亦做过专访，minipapa决定带爸爸入去试下。由于出到旺角个肚一早已经打晒鼓，所以目标都系以饱肚为主嘅主食类。扬州炒饭最可以表现出一间食肆嘅基本功。我谂唔够5分钟，碟饭已经送到。快到我都未反应过来。由于今日系星期日，而且间铺几乎爆满，所以效率真系非常高！同我平时食开嘅扬州炒饭真系有少少唔同。我唔知系今日炒饭唔小心落多咗水，定本身金华嘅炒饭就系咁，一向食嘅扬州炒饭都系比较干身粒粒分明，甚至有啲啲硬，食完有时会觉得油腻同喉咙干涸。但哩个炒饭由于水份多咗，米饭相对比较「冧」身，有少少juicy嘅感觉。由于minipapa本身个胃唔太好，平时食饭都偏向「冧」嘅米饭，所以佢嘅扬州炒饭反而啱晒我嘅胃口。而且佢嘅滑蛋亦好多，唔似其他地方好似落个蛋花咁，可能因此增加咗米饭嘅水份，令炒饭无咁干而且「冧」身啲。而且味道适中，唔会特别咸。炒饭嘅虾想特别点赞一下。相比平时食开嘅扬州炒饭啲虾，佢身型细咗一半，但绝对唔逊色。我一向唔食扬州炒饭啲虾，因为半透明食落无咩味又唔知生定熟咁，难以形容。