Come Buy (已結業)

一早已经系呢到见到话荃湾既COME BUY既珍珠奶茶好好饮. 但系无理由专登为左一杯珍珠奶茶走左去荃湾. 𠮶日行街时居然比我系旺角街头发现佢既身影, 不过可惜当日既Quota已爆, 今日再黎梗系要试下. 友人本来谂住帮衬番贡茶, 都比我夹硬拉住黎试.𠮶日行过都无留意, come buy既舖头面积比起其他𠮶几间都大好多. 虽然佢门面已经聚集左一大堆等饮品既人. 不过我哋心谂, 佢咁大间舖, 效率应该会比之前𠮶d快d. 不过以我哋等候时间黎睇, 好似佢哋做野都唔effective, 分分钟慢过𠮶两间豆腐"佣"咁细既舖头.系等既时间, 佢有个电视仔会系到播佢哋既自我宣传片, 系等候期间我都好无意思咁望住部电视. 睇左咁耐, 其中一个画面我系比较有印象, 就系话佢哋系将杯饮品交到客人手上之前, 佢哋会用一块唔记得有咩特别既布抺一抺饮品上面既水珠先会再交到客人手. 跟住我即刻望一望负责呢个任务既布, 唔知佢几耐会换一次 or 洗一次呢?至于味道方面, 饮唔到有咩惊喜. 奶茶无咩特别, 不过d珍珠就整得几甜. 而家珍珠奶茶大杯细杯都系同一个价钱, 变相比个藉口自己食多d~~~~