祥興記上海生煎包 (已結業)

去开将军澳！唔熟识！当然要揾下食啦！见到有呢间祥兴！记得荃湾开过！但行过都未食过！呢到有当然试下啦！一揾之下原来佢系city super food court入面！我就拣左一个套餐，有四个生煎包，一碗粉，一杯豆浆，50大元！价钱合理！出名既生煎包 ，岩岩煎好，热辣辣！睇落已经好吸引！食落更加不得了，一口咬落去！啲肉汁喷哂出黎！自己食都哗一声！啲肉汁唔可以浪费，一定要饮埋佢，佢真系一个重点！个底封口位虽然比较厚皮，但佢煎到好脆！食落唔会好似食紧粉皮咁！好彩叫左四个，真系好好味！咖哩牛肉粉丝！虽然无生煎包咁吸引！但都唔输掉！个牛肉煮得好淋！好似台湾牛肉面个啲咁！肥瘦好平均！豆卜吸哂啲汤好好味！咖哩味都好够，粉丝比较粗身！咁样口感更好！豆浆都好好味！饮埋简直大满足呀！