欽記麵家

营业中

休息中

全家人年廿九去联和墟开饭, 只因泊车比假日的大埔方便, 且素质十分高!查实今次都系第一次来食, 入到去, 好多人。格局似附近群记, 不过内笼比群记光鲜。迫得来呢度都好clean, d筷子摸上手仲热的, 个样又冇渍, 又干爽! 呀姐再三催促第一次来的我同妹妹叫野食(系迫!), 呢度俾呀姐无理"gut"左"gut", 唔"gur"就少不免架喇。之不过, 佢d野食又真系十分之得。粉面的"食送"有好多款拣, 而家我会为我食过的作出评价。云吞ok, 皮都叫薄。牛丸有群记果d咁好食㖞! 有肉味, 且弹牙。鱼旦都有鱼味, 又弹, 不错!而是日主角系碗牛什! 真系出左事咁好食! 牛膀松化无渣, 好似海棉咁索晒d汁, 哗真系好香好浓! 大肠又系出事的! 切到5蚊银咁大件, 中间满晒肥膏, 放入口, 充满住肥膏的甘香! 又洗得干净, 令人愈食愈开胃! 小肠亦佳, 又淋又松化, 真系好食得难以形容! 草肚同金钱肚我唔多钟意, 之不过佢都整得唔差, 草肚又系索汁啦, 而金钱肚较爽口, 两者俱good!我听屋企2位美味天后讲, 呢度d面系特别好食的! 我唔知啦, 不过见人地个捞粗, 卖相令人十分想食!呢度个辣椒