聯發茶餐廳

营业中

休息中

其实我相信，呢间联发茶餐厅都唔使点样介绍，佢嘅炒蛋一早已经出晒名，九龙城名物头十，一定有佢份。唔知点解呢排每一日都见到有人post，住得咁近九龙城就冇理由唔试吓，于是周末走去食个早餐，特别最想食嘅就系呢个漩涡蛋西炒饭。非常好彩，本来以为咁红，一定要排队，十二点入去，啱啱坐到最后一张枱，唔使等，好感恩。仲要食到佢限量出品嘅漩涡蛋西炒饭，同埋佢最经典嘅常餐。一定要叫嘅仲有常餐，奇怪佢嘅沙嗲牛肉面又唔多沙爹牛肉关注组讲，配合北海道出品嘅一丁，真系几好，面爽弹又挂沙嗲汤，牛肉唔算特别韧。佢嘅炒蛋同火腿绝对有华星同澳牛最好时间嘅水准，加多士嘅配搭，呢个应该系最好嘅常餐。漩涡蛋西炒饭，睇咗好多个post已经想食好耐，今日终于食到，炒得劲靓，打卡系二百分。入面嘅西炒饭劲多料，餐肉同肠仔仲多个饭，唯一系佢个炒饭比较湿，不过漩涡蛋喺上面，𠮶个饭做唔到好干身都十分正常。可惜西炒饭唔可以加钱有嘢饮，只系能够常餐叫一杯奶茶，热奶茶水准中等，如果个杯够热，应该会更好。以茶餐厅水准嚟讲，够快唔算贵，食物不错，又坐得好，绝对值得一试。