影片
更多
2024-01-03
2066 浏览
知道碗屋就快结业，即刻飞扑去食放题，虽然对上一次去碗屋食放题，只不过系11月嘅事。我系由2003年开始就已经食碗屋嘅放题，𠮶阵时已经系喺新世界中心嘅地库，20年，去嘅次数，我谂超过60次 。人之将死，其言也善，店之将亡，则未必。12月31号星期日中午去食放题， 1200去到，竟然发觉有三成嘅吉枱，我已经觉得好唔妥，碗屋好少有咁嘅情况，坐低，叫咗一个刺身拼盘，一嚟到，个刺身拼盘同我嘅反应一样，完全面目无光，哑色嘅。呢个刺身拼盘， 20年来我食过至少60次，估唔到第61次，系咁差，唔新鲜呀，三文鱼同埋吞拿鱼嘅颜色你一睇就知系唔新鲜，带子赤背𠮶啲都系唔新鲜，唔靓，刺身拼盘入边有海胆，海胆唔靓嘅，半熔嘅状态，茶碗煮入边𠮶啲虾，霉嘅。烧多春鱼，唔系㶶，但系苦嘅。部分食物都断崖式咁差咗好多，可能咁样系令到啲顾客唔需要太过怀念同埋唔舍得嘅妙方？有赞有弹，服务员 Fion 记得我系旧客，送咗好多小食，饮品，其他服务员嘅态度，系出奇地咁好，我一直都觉得碗屋嘅服务员态度系好，可能就嚟结业，佢哋嘅服务态度竟然冇好似佢哋嘅食物咁变差，反而系变得更好。雪糕，依旧都系好食。亲爱嘅碗屋，好多谢你，令到我减少咗对你嘅
我系由2003年开始就已经食碗屋嘅放题，𠮶阵时已经系喺新世界中心嘅地库，20年，去嘅次数，我谂超过60次 。
人之将死，其言也善，店之将亡，则未必。
12月31号星期日中午去食放题， 1200去到，竟然发觉有三成嘅吉枱，我已经觉得好唔妥，碗屋好少有咁嘅情况，坐低，叫咗一个刺身拼盘，一嚟到，个刺身拼盘同我嘅反应一样，完全面目无光，哑色嘅。
呢个刺身拼盘， 20年来我食过至少60次，估唔到第61次，系咁差，唔新鲜呀，三文鱼同埋吞拿鱼嘅颜色你一睇就知系唔新鲜，带子赤背𠮶啲都系唔新鲜，唔靓，刺身拼盘入边有海胆，海胆唔靓嘅，半熔嘅状态，茶碗煮入边𠮶啲虾，霉嘅。烧多春鱼，唔系㶶，但系苦嘅。
部分食物都断崖式咁差咗好多，可能咁样系令到啲顾客唔需要太过怀念同埋唔舍得嘅妙方？
有赞有弹，服务员 Fion 记得我系旧客，送咗好多小食，饮品，其他服务员嘅态度，系出奇地咁好，我一直都觉得碗屋嘅服务员态度系好，可能就嚟结业，佢哋嘅服务态度竟然冇好似佢哋嘅食物咁变差，反而系变得更好。
雪糕，依旧都系好食。
亲爱嘅碗屋，好多谢你，令到我减少咗对你嘅不舍，我原本计划二月尾结束之前再去多两次，而家可以完全悭返。
但系从此我唔知道喺香港可以边度揾到高质素嘅日式放题，半岛酒店Imasu又唔做，君悦鹿悦酒店又唔做。绝对冇兴趣什么极尚大瀛喜。不想伤心多一次愿抛开憾事。
张贴