茶聊

营业中

休息中

1/1/2020谂住轻轻松松食得好啲，过咗嚟试伏，点知真系好伏好啦我讲啲好嘢先声称系推介饮品，但其实只系好普通嘅鲜奶珍珠。热嘅牛油果鲜奶，好饮，加埋桃胶有咬口，但其实我心谂牛油果加鲜奶点整都应该好饮。软壳蟹包，软壳蟹系几好嘅，但我个人觉得好咸。重点来了肉眼扒加鹅肝，貎相看似不错，但就大错特错！所有嘢都冇问题，但块扒好un! 超un，好似咬紧橡筋或者鞋底咁 成个1月1号俾佢搞到冇晒mood，同男朋友两个人喺度望住大家互咬，十分尴尬。大家睇真啲，我哋叫咗medium well，但其实佢只系煎一边，名副其实的一边medium一边well！$188来说性价比极低！同埋个服务员讲嘢好细声，系绝对唔会听到佢讲嘢嘅。下午茶时段铺头唔算full，但就唔比我哋位4人卡位，结果就要坐另一枱2人枱隔离，大家听倒大家讲野。