影片
更多
2019-04-28
157 浏览
最近呢有个好朋友升左职，佢呢就话要请我食一餐好嘅庆祝下，叫我拣下食啲乜野好㖞，我谂左阵又唔想食自助餐𠮶啲咁行，但系又想食啲好味啲嘅嘢，俾我揾到呢间位于大坑嘅寿司艺，夜晚时段系食omakase，即系厨师发办。唔需要客人去谂食啲乜嘢，由寿司师傅为客人准备新鲜嘅菜式，未食过梗系想食下啦，所以呢就拣咗呢间。入到去啦首先侍应就俾咗个Menu我哋睇，个Menu好简单，总括嚟讲有三个字，分别系「月」，「彩」同埋「艺」。呢三个系代表三个唔同价钱嘅set，由$1080～$1680，而我哋呢就拣咗$1280既「彩」，系包括左有前菜，刺身，热盘，寿司，汤同埋甜品。可以睇到餐厅嘅风格系保留好日式嘅感觉，同埋都仲有个包厢仔，可以比想有私隐度高嘅客人坐喺入边享用美食。佢哋安排左我哋坐喺较中间嘅位置，其实铺头座位唔多，相对地可以带比客人一个宁静嘅饮食环境。当我地坐低左之后，侍应就立即递上热茶同埋热毛巾，俾我哋饮用同抹手，等候师傅呈上美食。1.北海道大生蚝/萤光鱿鱼/水云菜/蟹仔第一道上嘅菜系一个组合嚟嘅，师傅就教我地要食咗生蚝先之后到鱿鱼之后再系水晕菜最尾就系食蟹仔啦，个生蚝卖相已经好胀卜卜，我加咗少少柠檬汁上去，
最近呢有个好朋友升左职，佢呢就话要请我食一餐好嘅庆祝下，叫我拣下食啲乜野好㖞，我谂左阵又唔想食自助餐𠮶啲咁行，但系又想食啲好味啲嘅嘢，俾我揾到呢间位于大坑嘅寿司艺，夜晚时段系食omakase，即系厨师发办。唔需要客人去谂食啲乜嘢，由寿司师傅为客人准备新鲜嘅菜式，未食过梗系想食下啦，所以呢就拣咗呢间。入到去啦首先侍应就俾咗个Menu我哋睇，个Menu好简单，总括嚟讲有三个字，分别系「月」，「彩」同埋「艺」。呢三个系代表三个唔同价钱嘅set，由$1080～$1680，而我哋呢就拣咗$1280既「彩」，系包括左有前菜，刺身，热盘，寿司，汤同埋甜品。
可以睇到餐厅嘅风格系保留好日式嘅感觉，同埋都仲有个包厢仔，可以比想有私隐度高嘅客人坐喺入边享用美食。
佢哋安排左我哋坐喺较中间嘅位置，其实铺头座位唔多，相对地可以带比客人一个宁静嘅饮食环境。
当我地坐低左之后，侍应就立即递上热茶同埋热毛巾，俾我哋饮用同抹手，等候师傅呈上美食。
1.北海道大生蚝/萤光鱿鱼/水云菜/蟹仔
第一道上嘅菜系一个组合嚟嘅，师傅就教我地要食咗生蚝先之后到鱿鱼之后再系水晕菜最尾就系食蟹仔啦，个生蚝卖相已经好胀卜卜，我加咗少少柠檬汁上去，一放入口，觉得好新鲜，完全冇腥嘅味道！之后再试佢嘅萤光鱿鱼，师傅对于佢嘅皮控制得好好，完全唔会好韧，同埋入边系一咬就有酱爆嘅感觉！再嚟系水云菜，原本水云系无味嘅，师傅特登自己调制左少少酱汁，令到水云菜食落有少少酸嘅味道，加埋少少番茄仔，好开胃呀！再食埋蟹仔，脆卜卜好香口！
北海道大生蚝/萤光鱿鱼/水云菜/蟹仔
16 浏览
0 赞好
0 留言
北海道大生蚝/萤光鱿鱼/水云菜/蟹仔
47 浏览
0 赞好
0 留言
2.左口鱼刺身/左口鱼裙边
第二道上嘅就系左口鱼嘅刺身同埋佢嘅裙边，卖相好靓，淡淡透明既粉红色，左口鱼刺身肉质比较上爽口，点小小Wasabi已经可以带出鲜味，而左口鱼嘅裙边由于油脂比较多，师傅稍为烧香左条边边，食落去都会觉得香口一啲！
左口鱼刺身/左口鱼裙边
24 浏览
0 赞好
0 留言
左口鱼刺身/左口鱼裙边
53 浏览
0 赞好
0 留言
3.深海池鱼
第三道菜就系深海池鱼啦，师傅分咗两个部份去制作，上半部系用咗刺身嘅形式上，而下半部就用左火炙既方式，上半部嘅刺身用咗海草作为配菜，点小小新鲜制成嘅Wasabi同埋豉油，就咁食已经好好味。下半部油脂比较多，师傅将佢火炙至乳白色嘅状态，有一阵鱼油甘香味！
深海池鱼
19 浏览
0 赞好
0 留言
深海池鱼
15 浏览
0 赞好
0 留言
4.蛋黄酱牡丹虾
之后上嘅就系牡丹虾，师傅起牡丹虾上面冧咗蛋黄酱，令到佢呈现金黄色，而且用咗珍贵嘅鱼子酱系上面点缀，卖相华丽，而且蛋黄酱更加带出到虾嘅鲜甜味，而且肉质都好弹牙爽脆！
蛋黄酱牡丹虾
20 浏览
0 赞好
0 留言
5.北海道蒸毛蟹配醋啫喱
而呢一道蒸毛蟹就咁睇卖相已经好靓，有一啲晶莹剔透嘅啫喱系上面，原来啲啫哩系用醋整成嘅，唔怪得有种酸酸地嘅感觉，估唔到同蟹肉系咁夹，都仲食到蟹肉嘅鲜甜，冇俾醋嘅味道掩盖左。
北海道蒸毛蟹配醋啫喱
31 浏览
0 赞好
0 留言
6.炸牡丹虾头
呢一个牡丹虾头其实就系将岩岩𠮶道牡丹虾嘅虾头切左去炸，炸得非常香脆，所有嘅部份都可以食得，同埋出奇地唔觉得好油腻！
炸牡丹虾头
15 浏览
0 赞好
0 留言
7.烧拖罗手卷
师傅将件拖罗烧左之后用咗紫苏叶，Wasabi，同埋烘脆左嘅紫菜包住，放入口即刻感受到拖罗嘅鱼油香，所有嘅鱼油起嘴入面，有幸福嘅感觉，加咗少量Wasabi，更可以解油腻，而食到最后你会感受到紫苏叶嘅独特味道，但又唔会抢咗拖罗嘅味道。
烧拖罗手卷
10 浏览
0 赞好
0 留言
8.牛蒡蒜头
师傅话接住落嚟会准备一道鱼头俾我哋食，所以佢准备咗一啲配菜俾我哋食住等，分别系好爽脆嘅牛蒡，上面仲有一啲小芝麻，同埋腌制咗既蒜头。
牛蒡蒜头
6 浏览
0 赞好
0 留言
9.汁煮金目鲷
其实呢就系鱼头嚟嘅，师傅用咗佢调制嘅酱汁去煮，保持到鱼头嘅肉质鲜嫩，而且酱汁嘅味道都唔会好抢到鱼嘅鲜味，惊喜既系鱼头两边都好多鱼肉！
汁煮金目鲷
45 浏览
0 赞好
0 留言
10.带子寿司
带子寿司系好容易会有雪藏嘅味道，但系呢一粒寿司系完全冇，同埋好鲜甜，如果可以嘅话希望可以食多几粒添！
带子寿司
14 浏览
0 赞好
0 留言
11.竹签鱼寿司
师傅系呢件寿司上面就展现左佢嘅刀工，鱼肉呈粉红色且富含油脂，将竹签鱼嘅皮烧香，再将佢介左纹路，令到鱼皮嘅余香可以渗透入去成旧鱼，点少少豉油已经好入味！
竹签鱼寿司
17 浏览
0 赞好
0 留言
12.海胆寿司
好开心呀有海胆寿司食，识我嘅人都知道我好钟意食海胆，呢个海胆实在太新鲜，系日本海胆黎，好鲜甜，完完全全好似系日本食嘅一样，加少少新鲜嘅Wasabi，𠮶种溶化系口入边嘅感觉真系觉得好幸福！
海胆寿司
11 浏览
0 赞好
0 留言
13.鱼子寿司
本来对呢款鱼子系会有一啲抗拒，因为好容易会唔新鲜同埋会有腥味，点知食落口又唔会有腥味，同埋师傅加咗少少柚子皮，令到鱼子嘅鱼油香得来带少少柚子嘅清香。
鱼子寿司
16 浏览
0 赞好
0 留言
14.鲽鱼寿司
鲽鱼嘅肉质系比较上胶质，食起上嚟清爽而且热量低，肉质细嫩柔软，在清淡中带有鲜甜，可以吃到海潮的风味！
鲽鱼寿司
17 浏览
0 赞好
0 留言
15.中拖罗手卷
呢一个手卷真系十级好食，师傅将拖罗切成蓉，再加入少少调味，令到啲鱼油同埋鱼肉分布好均匀，就咁用紫菜包住嚟食已经好香口，油香四溢！
中拖罗手卷
19 浏览
0 赞好
0 留言
16.左口鱼鱼汤
师傅话呢道鱼汤系用左几种鱼去熬制，味道有淡淡既鱼香，清清地唔会好咸，同埋落咗左口鱼会令到汤底保持到奶白色，食咗咁多寿司，用一个完美嘅鱼汤作为结尾都几好，可以暖返个胃！
左口鱼鱼汤
11 浏览
0 赞好
0 留言
左口鱼鱼汤
11 浏览
0 赞好
0 留言
17.金箔红豆抹茶雪糕配鸡蛋布丁
食晒所有主菜，唔记得咗原来仲有甜品添，当然甜品个胃梗系即刻开启返啦，有绿茶雪糕配鸡蛋布丁，冻热两食，抹茶雪糕上面加咗红豆同埋黑豆，仲有少少金箔点缀，抹茶雪糕甜味刚刚好，我就更加欣赏鸡蛋布丁，鸡蛋味道好浓郁，但系又唔会觉得好漏，而且质感好幼滑添！
金箔红豆抹茶雪糕配鸡蛋布丁
31 浏览
0 赞好
0 留言
金箔红豆抹茶雪糕配鸡蛋布丁
15 浏览
0 赞好
0 留言
金箔红豆抹茶雪糕配鸡蛋布丁
5 浏览
0 赞好
0 留言
金箔红豆抹茶雪糕配鸡蛋布丁
10 浏览
0 赞好
0 留言
今次都算系我第一次试到咁好食嘅omakase，知道师傅嘅用心，可以起食材到体验到，新鲜嘅食材加上师傅精心准备，令到我哋可以试到一等一嘅美食！不得不提侍应都好细心，成个过程差唔多食咗个半钟头，期间都不断帮我地将杯茶换成热既，确保我哋食每一道菜都可以用热茶清一清口腔嘅味道，呢一餐真系好难忘，都多谢我朋友仔请我食啦，希望下一次再有机会再嚟食过！
张贴
