鳳城酒家 (已結業)

今晚我地订左6点食饭,叫左4-5人餐, 再加大良炒鲜奶,桂花炒鱼肚,虾多士。所有食物一次过上菜, 我明白繁忙时间佢地想做多转生意, 无问题。之后职员上左只鸡,由于餐牌无写炸子鸡份量系一只定半只, 我地夹左几件。隔左10分钟,阿姐话上错菜, 4-5人餐系半只鸡, 问都无问我地就拎走碟鸡,我地已经呆左,之后有个男部长走来话唔好意思,个阿姐新来,唔知情况,之后系厨房拎番碟鸡俾我地,话半只就由佢啦。我地不以为意, 之后结账时发现佢地收多140蚊, 问佢地系咩来,佢话系半只鸡价钱。明明系佢地职员俾错野我地,仲要收番钱!如果佢一早讲明话要收半只鸡价钱,唔该佢地一早讲清楚,我谂我地会立即退番入厨房,宜家张账单阴阴湿湿咁唔标明,我地同佢理论, 首先餐牌上无写明系一只鸡定半只鸡, 其次系你地职员俾错我地, 唔系我地问题, 然后阿姐又拎番入厨房后再拎出来, 咁点解唔俾番半只鸡我地。最搞笑系部长话我地同意左要一只鸡,中秋节好头好尾。事实上我地完全无表明有同意㖞!!乱收费,无下次!