新竹園軒

营业中

休息中

今日同屋企人过嚟饮茶，呢间我系第一次嚟，见咁多人写食评讲到咁好就嚟试吓。点知开头就俾职员话。话说我填完点心纸交俾职员，我见个职员睇都唔睇张点心纸，我就同个职员讲我叫左四款点心、一款炒乌冬。跟住个职员同我讲「唔使同我讲咁多野」，我当堂呆左，究竟系咩态度？老实讲，我呢个level 4已经好耐无同人写食评，但你迫到我要特登写食评，你呢位职员都算世一。其实去到呢个位，基本上我介绍啲食物都没意思，因为心情一定唔多唔少都有影响。但我都要公平啲讲，食物方面有一定质素，特别系个芝士虾球乌冬，芝士味浓，虾球肉质弹牙，够滑。虾饺、烧卖够大粒、足料，味道唔错嘅，再配埋枱上嘅XO酱，更加好味。其他食物都不过不失，整体食物质素都系唔错嘅。但想问大家究竟一个职员态度恶劣会唔会影响到你对呢间酒楼嘅观感？你问我嘅话，我就话一定会，就算食物质素唔错，但我要受职员气，点都有影响，好难有下次。