銀咖哩

营业中

休息中

店内阿叔收银同厨房瘦𠮶个厨师，好心收吓把口，极无礼貌，客人简直贴钱买难受。啲嘢食都唔期望好食，啲饭硬嘅，汽水加水加到离晒谱淡过饮水，连简单嘅薯角都炸到硬掘掘，饺子干争争，点解可以咁犀利无样嘢煮得入口，劣食都有少少底线好唔好？系赶时间先帮衬，周围得呢间食肆无人帮衬，其他都要等位，咁都算，食得劣食都谂住张就，但系啲职员乱称呼客人，用侮辱性字眼，真系唔担心执笠？究竟乜心态要咁对客人？睇之前有评论原来已经有类似事发生，即系完全无改善，唔明点解可以咁。