田籽茶事 (馬頭圍道) (已結業)

行过口渴谂住买杯黑糖波霸，个女职员戴住口罩都见到黑口黑面，向佢落单好似听唔到咁，一啲做人基本礼貌都冇，唔好计服务性行业。未饮都经已对间舖印象大打折扣。平心而论杯嘢又唔算系我饮过最难饮𠮶杯，珍珠口感系正常嘅，不过味道除咗甜味之外乜都冇，不过难饮都饮咗半杯至掉，因为真系好口渴。睇返其他食评至知原来唔系我一个有咁感觉。讲真靠做街坊生意，咁态度可以做咁耐，都几出奇。