影片
更多
2021-10-13
52 浏览
之前食过尖沙咀个间，其实俾我种感觉只系不过不失，唔会话差，不过亦唔系特别好食，所以无写食评既感觉，价钱啱算好贵，不过话平亦唔可以用个“平”字黎形容，今次同朋友系深水埗买完野，朋友话想食辣野，系openrice揾到呢间巴辣仔，朋友就话想试下，点知居然食唔成就已经成肚火，当日6点左右去到，虽然我地得2个人，但系见到个场起码有6成无人坐，明明仲有两三张卡位，但系就夹梗要我坐中间摆隔板既格，礼貌咁问下可唔可以坐卡位，个男职员就好无礼貌咁一句爆埋黎：唔得㖞！然后完全无讲原因，其实如果有人book左枱或者卡位系4人以上，你只需要礼貌回应一句我地绝对理解同体谅，但系当时仲要俾我地见到其中一张卡位都系坐左2个人，虽然唔知系唔系一早订左枱或者任何原因，但系条友又无讲原因，净粗声粗气咁讲句「唔得㖞！」感觉好似编编净系唔俾我地坐咁，同埋净系呢的态度已经唔值得人再帮衬，未开始食已经咁既态度，重点我地无唔礼貌，我地系礼貌咁问：可唔可以卡位呀？佢反而就咁既态度回应，我地系客人无需要受你气，亦唔系无礼咁对你，客人礼貌问问题，你就咁既态度，边个会仲想帮衬，一间餐厅最重要唔系净系讲出品好唔好食，做待应连最基本既礼貌都无
张贴