肉餅哥小炒料理 (已結業)

嚟到荃湾，原本想食斋，点知佢地好养生好早收工，咁就揾过第二间食，可以坐耐啲倾计。周围行无头绪就上黎睇有乜好介绍，就快快揾左呢间。睇地图揾，见到有几间酒吧以为会唔会系执左笠，点知原来间铺头系最远处。听个名以为系大排档小炒黎，门面同装修好似Cafe，企喺门口睇Menu，侍应哥哥已经口花花走出嚟叫靓女埋边坐喇😂乜都未叫就放低左两会来汤俾我地饮，苦瓜汤👍🏻见到menu好多肉饼啊😮除咗蒸之外，仲可以煎😯传统嘅肉饼跟饭食亦都可以夹汉堡包。我哋坐咗喺度唔知点算好因为啲肉饼除咗平时食𠮶啲普通野，仲有好多花臣。搞到我地唔知拣乜好⋯⋯呢个时候哥哥就走埋嚟问我地想食乜，就介绍咗我墙上面贴住𠮶啲😶我地拣咗墨汁鱿鱼肉饼汉堡包同埋流心芝士肉饼配饭，哥哥见我地呆左就问我地转菜饭，又话食啲菜咁跟餐平就叫埋😁好快就上咗菜，煎肉饼面头有块芝士，个肉饼薄薄地嘅，快啲煎熟，size都几大块。同同事share食所以就切开，见到有流心拉丝呢呵呵。菜饭好多菜。反而加＄12好淋既菜心得五条，无味嘅哈哈。由于汉堡𠮶块肉突晒出嚟好大块😮配沙律酱杂菜同埋蕃茄汉堡包，味道好夹，黑色嘅肉饼一路有啲鱿鱼粒粒有咬口，突咗出嚟𠮶啲肉饼就咁食嘅话就有