影片
更多
2018-02-06
1346 浏览
天气冻冰冰，最啱围埋系边炉隔离一路食一路取暖。记得早前行过愉景新城发现呢度啱啱开张，可惜未有时间黎会一会佢。今晚终于约到朋友品尝一下呢间椰子鸡究竟点样好食法。一入黎觉得呢度似Ｋ房多过餐厅，因为现场乐队唱住歌，配合埋个环境好有FELL。咁啱今晚嘅歌曲大部分都系陈奕迅嘅歌，好似天下无双／陀飞轮／岁月如歌等，我地都边食边跟住唱。期间仲有林俊杰／田馥甄等台湾歌曲，主音都唱得几唔错，为我地呢餐生色不少。椰子鸡之前都系旺角食过，觉得清清地嘅椰水汤底几啱近排咁干燥嘅天气食，可以滋润一下身体。椰子鸡锅点左半只，再点多几样火锅配料，两个人食啱啱好亦都唔会造成浪费。由火锅上枱到汤水滚起落鸡肉，店员都全程帮我地睇实，确保我地食到最嫩滑嘅鸡肉。其实有左呢个蓝色漏斗计时，我地都知几时可以食的了但店员嘅贴心真系加分不少。椰子锅好了之后店员更先为我地隔去多余鸡油，等我地可以先试清甜嘅椰水。因为个汤底全用上椰青水做成，饮落清甜回甘，浸泡鸡肉后汤汁更多了一层肉香嘅醇厚，绝对值得饮返碗汤先开始食。因为鸡肉其实系浸熟嘅关系，所以肉质保持嫩滑就算系鸡胸位都唔会鞋口，同埋系采用新鲜文昌鸡嘅关系，肉味比较香，加上由辣椒／南姜调配
一入黎觉得呢度似Ｋ房多过餐厅，因为现场乐队唱住歌，配合埋个环境好有FELL。咁啱今晚嘅歌曲大部分都系陈奕迅嘅歌，好似天下无双／陀飞轮／岁月如歌等，我地都边食边跟住唱。期间仲有林俊杰／田馥甄等台湾歌曲，主音都唱得几唔错，为我地呢餐生色不少。
椰子鸡之前都系旺角食过，觉得清清地嘅椰水汤底几啱近排咁干燥嘅天气食，可以滋润一下身体。椰子鸡锅点左半只，再点多几样火锅配料，两个人食啱啱好亦都唔会造成浪费。
由火锅上枱到汤水滚起落鸡肉，店员都全程帮我地睇实，确保我地食到最嫩滑嘅鸡肉。其实有左呢个蓝色漏斗计时，我地都知几时可以食的了但店员嘅贴心真系加分不少。
生态原味椰子鸡锅
35 浏览
0 赞好
0 留言
椰子锅好了之后店员更先为我地隔去多余鸡油，等我地可以先试清甜嘅椰水。因为个汤底全用上椰青水做成，饮落清甜回甘，浸泡鸡肉后汤汁更多了一层肉香嘅醇厚，绝对值得饮返碗汤先开始食。
因为鸡肉其实系浸熟嘅关系，所以肉质保持嫩滑就算系鸡胸位都唔会鞋口，同埋系采用新鲜文昌鸡嘅关系，肉味比较香，加上由辣椒／南姜调配嘅柑桔酱油，非常好味亦好夹其他火锅食材。
炸响铃
23 浏览
0 赞好
0 留言
食得呢个椰子鸡锅必点炸响铃，因为香脆响铃吸饱椰子汤汁后，腐皮嘅香加上汤汁嘅甜真系好好食。
安格斯肥牛粒
28 浏览
0 赞好
0 留言
安格斯肥牛粒。大小都有成粒麻将咁大，放入汤水中分半钟至两分钟就啱啱好熟透。入口软嫩，油香同肉香并重但又唔觉油腻。再沾上少少柑桔酱油更带出牛肉嘅味道。
鲜虾云吞
32 浏览
1 赞好
0 留言
自家制鲜虾云吞大大粒好足料，皮薄又滑，馅料入面起码有两粒虾仁加上猪肉比例适中，一啖一粒最滋味。因为本身都调好味道所以单单以椰汤配搭就足够了，
白鳝片
24 浏览
0 赞好
0 留言
见呢度有白鳝片，即刻都柯打返碟黎食因为唔系度度都有。因为秋冬都系鳝鱼当造季节，所以食落好肥美仲有淡淡鳝鱼独有嘅陈皮甘味。同埋鳝片厚切嘅关系，食落更觉弹牙再沾上柑桔酱油可以辟去仅余嘅腥味，更易入口。
成晚听住乐队卖力献唱，再加上暖昱昱嘅椰子鸡锅，真系视觉／听觉及味觉嘅三重享受。以后想食椰子鸡又多左个好地方了，唔使返大陆更唔使出旺角近近地系荃湾附近就有呢间同仁四季音乐主题餐厅，仲有LIVE BAND听住食，正。
张贴
