Coti (京瑞廣場2期)

营业中

休息中

其实都食过好多次，食物质素好，价钱合理，坐得都算舒服，而且格调有文青feel，食得开心，几乎每星期都会帮衬一次。年尾假期出外旅游，有一排冇过嚟食。今日如常叫咗all day Breakfast。食物冇乜问题，但冇嚟一排，间餐厅嘅格调就cheap晒。首先系个背景音乐，唔知点解，平时系播啲英文歌，或者纯音乐，感觉休闲。但系今日转左啲抖音feel嘅普通话歌，唱来唱去都系𠮶两句，好洗脑𠮶种。我以为自己去错咗深圳嘅茶餐厅。然后就系啲客人。平时去亲𠮶啲都斯斯文文。但今日就坐咗两台怪人喺附近。佢哋应该系一行四人，因为间餐厅细，佢哋要分开咗坐。但系佢哋就隔住几张枱咁样，大大声咁同对方倾偈。加埋啲背景音乐，真系去咗茶餐厅咁！希望只系咁啱得咁跷，下次唔会再有啲奇怪嘅背景音乐，同埋奇怪嘅食客吧！