影片
更多
2010-08-31
20 浏览
之前听过数次朋友介绍大少爷既海南鸡饭，终于都黎一试啦。是日平日大概一点多黎到，唔驶等位即刻有得坐低~ 其实每次黎亲跑马地我都系会去昌记食多，不过是日唔系太舒服唔可以食太热气既食物(如油砂多)，咁我就放弃左昌记黎呢度啦。入到去卡位满哂，不过其中一边都有梳化位都ok啦。唔驶多谂就叫左一个海南鸡饭，另外谂唔到食咩就叫左一个茶餐，茶餐有两款选择，最后要左蕃茄肉片通粉，火腿奄列~~ 海南鸡饭跟冬瓜汤，冬瓜汤细细一碗，不过饮落真系几清而且饮到冬瓜味，唔错㖞~ 鸡只全部去骨，最啱我呢d懒人，真好~ 大部分系鸡翼位置，肉质唔算好嫩，但都唔「鞋」口的，食落真系几有鸡味，而且鸡皮感觉唔肥，连平日唔食既我都食左d，一D都唔觉得肥腻呢。由于我地唔太食得辣，所以问佢可唔可以俾姜蓉我地佢都好乐意咁做，我觉得佢个姜蓉几好食㖞~ 够哂油而且好香，唔错呀~ 油饭食落带有淡淡既香味，而且都几够油份，虽然唔算好好食但都ok的。茶餐就其实无咩特别，蕃茄汤底几杰身(我最怕架啦)，不过都几浓茄味~ 肉片唔会太靱，算系几开胃的。至于火腿奄列就无咩好讲，蛋炒得太熟，如果多d蛋汁会好食d~~~~~ 所以简单讲个茶餐就系无咩特别~~坐到
是日平日大概一点多黎到，唔驶等位即刻有得坐低~ 其实每次黎亲跑马地我都系会去昌记食多，不过是日唔系太舒服唔可以食太热气既食物(如油砂多)，咁我就放弃左昌记黎呢度啦。
入到去卡位满哂，不过其中一边都有梳化位都ok啦。唔驶多谂就叫左一个海南鸡饭，另外谂唔到食咩就叫左一个茶餐，茶餐有两款选择，最后要左蕃茄肉片通粉，火腿奄列~~
海南鸡饭跟冬瓜汤，冬瓜汤细细一碗，不过饮落真系几清而且饮到冬瓜味，唔错㖞~ 鸡只全部去骨，最啱我呢d懒人，真好~ 大部分系鸡翼位置，肉质唔算好嫩，但都唔「鞋」口的，食落真系几有鸡味，而且鸡皮感觉唔肥，连平日唔食既我都食左d，一D都唔觉得肥腻呢。
由于我地唔太食得辣，所以问佢可唔可以俾姜蓉我地佢都好乐意咁做，我觉得佢个姜蓉几好食㖞~ 够哂油而且好香，唔错呀~ 油饭食落带有淡淡既香味，而且都几够油份，虽然唔算好好食但都ok的。
茶餐就其实无咩特别，蕃茄汤底几杰身(我最怕架啦)，不过都几浓茄味~ 肉片唔会太靱，算系几开胃的。至于火腿奄列就无咩好讲，蛋炒得太熟，如果多d蛋汁会好食d~~~~~ 所以简单讲个茶餐就系无咩特别~~
坐到两点几过左午饭时间就无咩人啦，所以可以慢慢坐唔驶惊~~~ 坐坐下仲俾我见到我个大学教授! 真系去到边都撞到熟人...... 终于可以同朋友讲黎食左啦 =))))
张贴
