影片
更多
2023-03-13
109 浏览
星期日同fd行街shopping，行到见到间楼上西餐厅，见menu几吸引就上咗去食饭，跟住一出䢂就见到姜涛同Edan嘅牌！😍喺等食物嘅期间，见到原来餐厅平时有几晚会有live band演出！可惜我地嚟嘅系星期日冇演出，下次一定择日过嚟再食！1. 粟米忌廉汤&冻朱古力我同朋友一个叫咗粟米忌廉汤，同埋冻朱古力。作为汤控嘅我，真心觉得好好饮，入口好幼滑，仲要最紧要有cream，饮完冇耐好快就到主菜上菜，值得一赞系上菜速度快！呢样好重要！！啱哂啱啱行完街又攰嘅我哋🤣2.猪助骨主菜方面，BBQ sauce嘅猪肋骨系今日嘅Chef’s special，猪肋骨肉质好淋，最紧要系唔会干。因为之前喺其他餐厅食猪肋骨成日都会整得较为干冇咁juicy，但呢间整得好好味。个sauce应该仲落咗孜然粉嘅味，配埋bbq sauce，几夹，令到猪肋骨更加香！另外，配菜薯角系即炸，好香口，唔会淋！👍🏻3.香煎三文鱼柳配意大利米饼至于另一个主菜，香煎三文鱼柳配意大利米饼，呢个配搭好新鲜！三文鱼好香脆又开胃，啱哂钟意食鱼嘅我。同埋本身仲谂住米饼可能只会脆身，但食落系外脆内软，内里仲有米饭嘅软，几惊喜！餐厅环境几好，又有播
喺等食物嘅期间，见到原来餐厅平时有几晚会有live band演出！可惜我地嚟嘅系星期日冇演出，下次一定择日过嚟再食！
1. 粟米忌廉汤&冻朱古力
我同朋友一个叫咗粟米忌廉汤，同埋冻朱古力。作为汤控嘅我，真心觉得好好饮，入口好幼滑，仲要最紧要有cream，饮完冇耐好快就到主菜上菜，值得一赞系上菜速度快！呢样好重要！！啱哂啱啱行完街又攰嘅我哋🤣
2.猪助骨
主菜方面，BBQ sauce嘅猪肋骨系今日嘅Chef’s special，猪肋骨肉质好淋，最紧要系唔会干。因为之前喺其他餐厅食猪肋骨成日都会整得较为干冇咁juicy，但呢间整得好好味。
个sauce应该仲落咗孜然粉嘅味，配埋bbq sauce，几夹，令到猪肋骨更加香！另外，配菜薯角系即炸，好香口，唔会淋！👍🏻
3.香煎三文鱼柳配意大利米饼
至于另一个主菜，香煎三文鱼柳配意大利米饼，呢个配搭好新鲜！三文鱼好香脆又开胃，啱哂钟意食鱼嘅我。同埋本身仲谂住米饼可能只会脆身，但食落系外脆内软，内里仲有米饭嘅软，几惊喜！
餐厅环境几好，又有播音乐，一边食一边同fd倾计倾今日买咗嘅战利品，最紧要食物好好食，大大加分！
张贴
