影片
更多
2021-06-20
614 浏览
尖沙咀韩国街有咁多间🇰🇷韩国餐厅，其实我都只系食过一两间🤣前一排听人讲呢间韩国人主理嘅餐厅嘅炸鸡系有韩国本地水准，就决定去试下。呢到晚市系无得预约嘅，我星期五1845到去到，门口已经有两三组入等紧入坐，去到1900嘅时候更加系有七八组人，当中仲有唔少系韩国人黎嘅。好彩我都系等左一阵就入得啦😛🐶半半炸鸡（甜辣酱+蒜香酱） $178每只味大约有五六件炸鸡，热辣辣嘅炸鸡上面淋满酱汁，真系几吸引！炸鸡皮薄肉嫩，食到肉汁，食落去无冰鲜鸡味，但亦唔算好浓好香🍗肉味。甜辣酱食落只甜不辣有啲失望，而且蒜香酱原来都系甜嘅，有好大阵蜜糖味，所以两只味食落有啲似，同埋会食到腻，失策！🥲整体黎讲系好食，但未到会畀「全港最好食！」程度嘅评价，有啲想试多次唔同嘅味睇下点😂🐶韩式炒年糕 $78除左年糕，仲有鱼板同鸡蛋，够哂地道嘅韩式年糕！食落去好够辣味，好开胃。年糕烟烟韧韧，吸哂啲汁好正🤤可惜份量唔多，但会想再食！🐶韩式泡菜煎饼 $98放系铁板上面热辣辣上枱，睇落唔大份但因为都几厚所以都几饱肚。饼边煎到脆脆地几香口，泡菜味唔算重，可以再酸啲会更加好食！🐶乳酸烧酒 $??（唔记得几钱）相当大杯嘅烧酒，够哂两个人饮🍻饮
尖沙咀韩国街有咁多间🇰🇷韩国餐厅，其实我都只系食过一两间🤣前一排听人讲呢间韩国人主理嘅餐厅嘅炸鸡系有韩国本地水准，就决定去试下。呢到晚市系无得预约嘅，我星期五1845到去到，门口已经有两三组入等紧入坐，去到1900嘅时候更加系有七八组人，当中仲有唔少系韩国人黎嘅。好彩我都系等左一阵就入得啦😛
🐶半半炸鸡（甜辣酱+蒜香酱） $178
每只味大约有五六件炸鸡，热辣辣嘅炸鸡上面淋满酱汁，真系几吸引！炸鸡皮薄肉嫩，食到肉汁，食落去无冰鲜鸡味，但亦唔算好浓好香🍗肉味。甜辣酱食落只甜不辣有啲失望，而且蒜香酱原来都系甜嘅，有好大阵蜜糖味，所以两只味食落有啲似，同埋会食到腻，失策！🥲整体黎讲系好食，但未到会畀「全港最好食！」程度嘅评价，有啲想试多次唔同嘅味睇下点😂
🐶韩式炒年糕 $78
除左年糕，仲有鱼板同鸡蛋，够哂地道嘅韩式年糕！食落去好够辣味，好开胃。年糕烟烟韧韧，吸哂啲汁好正🤤可惜份量唔多，但会想再食！
🐶韩式泡菜煎饼 $98
放系铁板上面热辣辣上枱，睇落唔大份但因为都几厚所以都几饱肚。饼边煎到脆脆地几香口，泡菜味唔算重，可以再酸啲会更加好食！
🐶乳酸烧酒 $??（唔记得几钱）
相当大杯嘅烧酒，够哂两个人饮🍻饮到乳酸味但唔会觉得好甜，主要都系饮到烧酒味，但都算易入口，可以试下。
整体黎讲食物系食得出韩国风味，唔系得个样，而且食物种类都算多，钟意韩国菜可以试试。
张贴
