馬家莊清真館 (已結業)

做完嘢，见未够钟食饭，又嚟返个午后之轻食啦！咁啱见到间舖头食清真嘢，就走入食碗面啦！睇过餐牌觉得无乜特别，只喺馅饼同普遍上海嘢，好似名过其实咁！好奇咁问吓阿姐姐，清真嘢其实有咩特别之处呢？唔八卦真喺唔知，原来回教徒喺唔食猪！喺㖞，其实回教天主教基督徒都喺睇旧约圣经，所以饮食习惯都喺一样！而且佢哋喺坚持生㓥，我好白痴咁问，咁喺咪唔食冰鲜？阿姐姐即刻笑咗一笑，原来生㓥嘅意思喺，宰杀动物嘅时候，喺用放血嘅方法杀牲，然后再为只动祈祷。解释到依家，我就谂起电影《阿凡达》其中一幕。咁样做喺会令工序多咗，导致食材成本上升，但佢哋坚持咁做，原因喺佢地好坚持佢哋信仰嘅理念同回教嘅传统。我依个伪天主教徒忽然有种肃然起敬嘅感觉，竟然将信仰活喺生活同经营理念之中，好值得尊敬！而且阿姐姐话，咁样嘅做法，好多客人食过都话食落嘅感觉喺唔同啲！坚持午后之轻食嘅我，只喺叫咗下午茶餐《红烧牛腩汤面》！第一啖嘅口感真喺好唔同，好肯定冇落味精，而且牛腩爽口，味道浓郁！汤底又喺一绝，味道入口适中，唔会太咸太淡，而且自家特制嘅牛骨汤底，好好饮，又唔会口干！一个字，好好食！最后成碗面，我连个汤底都饮哂，下次真喺要试埋佢哋啲馅饼！