陸陸雞煲火鍋 (已結業)

鸡煲最紧要够麻辣，咁先够惹味，呢度嘅鸡煲就正好岩晒我口味，够辣之余仲好惹味，令我食唔停口。先叫了鸡煲，啲汁好香浓，鸡肉嫩滑入晒味。食完鸡就可以加汤打边炉，汤底可以选择清汤或辣汤，唔食得辣的可以加清汤，想更浓更辣的便加辣汤，而我就加了清汤，虽然是清汤，但仍不失麻辣风味。打边炉点少得牛肉，肥牛是不二之选，雪花肥牛是我最爱，入口即溶的质感，加上辣辣地好香口。再黎清汤牛腩，本身已熟的牛腩，用汤底录一录，肉质非常松软，好味推介。手打肉丸爽滑弹牙，大大粒食得过瘾。总括材料新鲜，已经是好难得，价钱和质素成正比，绝对可以一试。