Plato Cafe & Bistro (彌敦道) (已結業)

星期三晚同男朋友一齐食饭。我地叫左两个Dinner Set share食。套餐包左是日餐汤同蒜蓉法包。是日餐汤系薯仔烟肉汤，稠身好饮。蒜蓉法包脆脆地。明太子海虾意大利粉意粉条条都索晒明太子忌廉汁，微辣好惹味，虾既数量都好多，好食。BBQ烧猪仔骨配沙律及薯条猪仔骨好大份，烧烤酱好浓味，搭配香脆既薯条，一流。+$38要西班牙肉桂条伴雪糕一定要加钱食，肉桂条好香脆松软，肉桂味好出，连埋砂糖食，好有口感，正。+$28要日本芝士蛋糕蛋糕细细件，有饼底既芝士蛋糕好重要。饮品要热柠水同+$12要西班牙咖啡，西班牙咖啡原来系咖啡加球云尼拿雪糕。