餃餃餃子 (已結業)

中餐、西餐都食到厌，有时想试新野，但又惊唔好食。今日嚟到黄埔呢个日本饺子专门店晚餐。听个名以为呢度净系有饺子食，其实呢度除咗有各式各样嘅饺子之外，仲有拉面、乌冬同咖喱饭等等，好多选择架。超多款嘅饺子真系好难选择丫，点算好呢？店员姐姐就推介我食个有齐3-4款味道嘅饺子，真系非常贴心丫。一咬开d饺子，好香口，入面d肉汁间直无得顶，果然系饺子专门店，同平时食开啲真系有分别架。望下呢度装修设备，好似置身于日本一样。原来呢间系日本分店，日本系有好多好多间，唔怪得水准咁高啦。之后再叫左个乌冬、吉列猪扒咖喱饭同鳗鱼饭，好味道，而且份量岩岩好。仲有呢度杯白桃乳酸梳打好好饮。