肉浦團火鍋放題

营业中

休息中

今日去开旺角睇相机，突然之间好想打边炉，见到最近呢排肉蒲团火锅非常出名于是黎试吓，由于逢星期日至四二人同行一人半价，所以我今日就同老婆打吓边炉。餐厅环境电影感十足，装修新颖，有大量卡位俾客人，坐得非常舒服，我哋仲见到加$48就有任饮日本啤酒非常抵，由于听日要返工所以就冇叫啤酒了。我哋今次叫左m5m8和牛set,清酒味噌卜卜蚬汤，一开始以为汤底只系得几粒蚬，点知我哋夹晒出嚟竟然有两大碗，份量十足。牛肉亦有唔同部位可以选择我哋最推荐就系封门柳和澳洲M8团腰肉心，牛肉味10分浓，肉质软滑多汁。餐厅亦有唔同嘅丸类蔬菜可以自助，另外仲有唔同饮品可以选择。最后食到好饱，点知餐厅仲话会送Häagen-Dazs雪糕俾我哋食，我哋一人叫咗一个朱古力味。大家嚟旺角可以试吓依间最近非常出名嘅火锅放题。