大將 (已結業)

话说第一次去到呢间餐厅，讲真个环境都几好，望落去系木嘅颜色都好舒服，嘢食都摆得几精美。但系服务员非常之少，得负责收银同安排入座嘅一位女职员，同两三个年青人负责送食物同清枱上面嘅空碟。侍应全部都好似新员工，唔系好知自己做紧乜，问佢呢碟系咩肉又讲唔出，点餐个bar code 唔work，要好辛苦先引到侍应注意再等佢哋人手落单。每次上肉都要等好耐好耐，大概半个钟，感觉就好似想惩罚你唔俾你添肉咁样。我哋叫咗SRF 牛肉放题，第一轮啲牛肉都唔错，之后再叫第二轮，哗真系吓死人！差过佳bobo $68𠮶啲牛肉，肥膏七成肉得两三成，仲有筋，根本完全食唔到。之后叫多两碟，食得一个钟等上肉再等20分钟，最后嚟一碟九成都系肥膏貌似猪肉嘅牛肉俾你，我叫佢直接拎走。（冇影相但请自行幻想全部都系白色肥膏）感觉餐厅著重成本，我觉得自己作为客人嘅感受很差。以后都唔会去呢间餐厅食，因为我觉得好唔诚实。