HAHA CHICKEN 하하치킨 (順發居) (已結業)

趁放假去长沙湾探朋友, 途经见到呢间韩式炸鸡外卖店, 就顺便买咗个外卖上朋友屋企share食。多款抵食套餐选择, 最后拣咗自选两款口味炸鸡同埋薯条。所有炸鸡都系无骨, 放心啖啖肉食。韩式无骨炸鸡 – 自选两款口味 (套餐跟一罐装汽水)皇牌芝士: 芝士粉平均附于炸鸡表面, 炸皮脆而不油, 肉质软嫩, 整体味道甜甜地散发阵阵芝士香味。蒜香酱油: 炸皮稍为索咗酱油汁, 虽然变林咗, 但好入味, 甜甜地又有蒜香味, 香口惹味。粟米浓汤脆薯条: 薯条香脆, 每条薯条入口都食到好浓郁嘅粟米味, 食多几条, 口中残留味道有如饮咗一碗粟米浓汤一样。