大馬館 (已結業)

铺头位置的确是比较偏僻，夜晚去食既时间周围附近既铺都关左，所以条街系比较黑。不过地方偏僻也无损食物质素！今次已是第二次食，两次都有叫招牌有骨海南鸡饭，另外今次再试埋口水鸡饭。先讲冬瓜汤，个汤跟饭送，送到上尼仲好热辣辣，味道好清甜。油饭有油香而不腻，食完见到只碗唔系油淋淋，份量岩岩好可以配到碟海南鸡。至于海南鸡的肉质很嫩很滑，我选择有骨因为相信会更加香有鸡骨味。结果真的吃到鸡既原始味道，就算不点任何酱汁也不会觉啖口。酱汁方面它配有三款，其实三款酱料都好味而且好特别，自己个人比较喜欢姜蓉同埋酸辣酱，也不知道系咪酸辣酱但系总之酸酸甜甜好开胃。今次试嘅口水鸡饭都系有惊喜的，原来它的鸡都系用嫩滑海南鸡，但系淋上左香辣嘅酱汁系面，酱汁味道唔似坊间只系一般麻辣，而系带有甜味的辣，送饭一流。题外话，两次去大马馆都只有我一台客人，其实佢地嘅海南鸡质素绝对不错，性价比高，希望大家都可以行远少少去尝试下呢啲小店！