棋哥燒鵝餐室

营业中

休息中

今日去o左礼顿山教堂观礼，由于主人家之后无请饮，都系各自散。五点半完o左我同埋d 朋友一齐行番落铜锣湾，但一个二个都有下场啰，揼低我一个……同佢地道别后，周围擸下有乜好食。咁一枝公，都系烧味饭o架o者，于是就入o左呢间。可能因为早，餐厅未系好多人帮衬住，而且未够六点仲有下午茶餐添，不过我好肚饿，所以想叫一个正常饭。见佢出面挂起o黎d 烧鹅又大只又烧到充满油光咁，好想试下，最后点o左个乳猪拼烧鹅饭($73)。d 乳猪o既皮十分薄脆，表层带少少甜味，中间脂肪都系薄薄一层，肉o黎讲都几松软，绝对比食开又咸又实ding ding o个d 烧肉高级！梅子酱同d 乳猪固然系夹啦，但我更钟意攞o黎送饭，贪佢甜甜地。烧鹅o既油份比头先d 乳猪高一d，但不致于咬落会成咋油咇晒出o黎咁。d 肉仲依稀见到d 粉红色，只系烧到o岩o岩熟，口感唔错，对比出面有时熟得滞瘀瘀黑黑咁食落又霉霉地。随饭搭两条菜心咁啦，正常，无渣。跟饭有埋o野饮，叫o左冻柠水(冻饮加$3)。