肉搏食堂 (已結業)

尖沙咀厚福街系著名「食街」之一。今日就试下一间开业大约一年半，个名好有趣既《肉搏食堂》🤘🏻［餐汤 - 洋葱汤］有浓郁既洋葱甜味，最重要洋葱煲得够淋。［香煎西班牙黑豚配鹅肝丼］鹅肝好厚身，入口即溶🤤，外层煎得甘香，油香浓郁，赞👍🏻黑豚肉份量好多，配上胡麻酱更美味。饭粒分明有咬口。［牡丹虾三色刺身丼］除左牡丹虾，仲有三文鱼、带子同三文鱼籽，好丰富。牡丹虾好大只好鲜甜，其他刺身都好新鲜。［火炙顶级牛肉配香辣粉］好彩叫左个细嘅（200g），份量已经好多！火炙牛外层焦香，牛肉整体呈现约5成熟，肉质都算几嫩滑，肉味浓郁。香辣粉微辣。［朱古力曲奇沙冰/ 青瓜青苹果沙冰］前者朱古力味非常香浓，如果更多沙冰粒更好，不个个杯打卡一流😆；后者好fresh好重青苹果味，够哂冰凉感。