BBQ 7080 (已結業)

一班人想吹吹水，又拣左黎食下韩烧，食过旺角店觉唔错，今次嘅铜锣湾聚会都系拣返7080，装修同旺角店无异，等左阵就有枱，快快埋位就拣野食先。坐低就有嘅酱料，生菜。是晚冷盘~莲藕，泡菜，翠玉瓜。还有每人一份嘅腌洋葱，冷豆腐。点左六款肉类，猪牛为主，陆陆续续上枱，肉色唔错，雪花肥纹尽现~起炉烧烧烧！肉质肥美甘香，油脂爆登，雪花牛肉真系必叫之选，另外猪胫肉，牛肋骨都好鬼正，我地一班食肉兽梗系食得好开心好满足啦！！净系食肉又唔得嘅，叫左个猪肉石窝饭，卖相精致，只蛋几圆美！影完相梗系落哂啲韩式辣酱捞捞捞，少少饭焦够香口，一人一碗饱哂。