味來中菜餐廳 (已結業)

其实我系好钟意食中式小菜既，一直觉得出面食中菜性价比都比西餐高好多。见到menu其实好多都好想试，但今次得两个人，所以只系叫左两个餐同一个小食。先讲咸鱼蒸肉饼($50)，平时去茶记，都好钟意叫蒸肉饼，钟意佢容易送饭食。而呢间肉饼做得超出色，猪肉蒸既时间刚刚好，肉质好嫩滑。连埋肉汁同饭一齐食好快就食哂成碗饭。🤤而且猪肉好新鲜，肉味好浓，绝对唔系摆左好耐冇哂肉味既冷藏猪肉。如果咸鱼既份量再多少少咁就完美😜另外我地叫左薯仔炆鸡($50)，鸡件既份量都唔少，而且只茨汁调较得好好。👍🏻食呢类型既中式菜配料先系主角，配料都系吸收哂成个菜既精华。😍今次薯仔都做得好出色，炆到好冧同入味。我同朋友食到最后连汁都唔放过，用埋黎捞饭食，真系一啲都冇夸张。🤭最后我地仲叫左个南乳鸡翼($58)，一咬落去就有好香既南乳味。但就唔会过咸，鸡肉都好嫩滑。可惜南乳味只系酥脆既外皮度食到🥺我见过有餐厅做呢款小食会另外配多碟南乳酱比客点，如果做埋呢一点咁就满分啦。总括黎讲，今次我同朋友都食得好满足～两个人食左$158，但就食到好饱，而且都好好味。🤣下次一定会再黎食！黎到先知佢地仲有做埋海鲜，但因为我地系lunch黎食，就冇