亞越泰 (已結業)

下午茶时间帮衬咗呢一间，肉骨茶有惊喜，其他野就好一般。叫咗越式香茅鸡扒马来喇沙同埋香茅猪扒汤金边粉，加$15跟多个肉骨茶，饮品就叫咗柠檬薏米水。个马来喇沙OK嘅，佢系油面沟米粉，个喇沙汤底OK，可惜个香茅鸡扒完全无香茅味。个香茅猪扒汤金边粉就正正常常啦，唔叫得好食。加$15嘅肉骨茶就最有惊喜，佢系深色药材味浓嘅马来西亚式肉骨茶，几足料，不过旧排骨就细旧咗D，$15货仔收晒货啦。柠檬薏米水，都系咁啦。