傷心酸辣粉 (裕景坊)

营业中

休息中

肉骨茶煲呢个选择在边炉放题界比较少见。肉骨大大条，肉腍嫩滑，又几好味。煲底有大量莲藕，爽脆！豆腐卜吸晒汁，正！边炉放题鸡、肥肥牛、猪都有（肥牛真的太肥）食咗好多菇、娃娃菜同生菜，仲有我好钟意嘅鱼腐、肠仔、白鱼蛋…粉面选择好多，我哋攞咗一碗薯粉，够弹牙，正！任饮有大量嘅纸包饮品，同罐装汽水，仲有啤酒，放晒落冰箱自己任攞！$79任饮任食，性价比好高！口水鸡（中辣）切得非常漂亮，鸡肉结实，肉质嫩，有麻辣嘅香，少少辣，几惹味！炸鸡软骨炸浆几厚，鸡软骨算几大粒，炸到脆卜卜，打打下边炉转换口味几好。