肉骨皇 (已結業)

又冻又饿，好想揾啲热辣辣又暖嘅野食下。肉骨茶就真系岩哂啦！够哂补又够哂热。去到大坑肉骨皇，梗系要食肉骨茶啦~原煲上嘅肉骨茶，入面有大大旧，有好多肉嘅猪骨，仲有金菇、杞子、支竹、豆卜，冬菇等等配料，另外有甜鼓油同油炸鬼一齐食。呢个细嘅招牌肉骨茶$118。好足料，口味偏甜，怕药材味就岩哂～食得出佢用心＋时间煮过，猪肉好淋好香，汤唔会肥腻，热辣辣，香喷喷，好满足～净系食肉骨茶唔饱架嘛。两个人再整多个「咖哩杂菜」（$88），用金枕头面包上菜要加$30。呢个真系必试呀~用面包吸哂入面嘅咖哩汁，个汁超香浓，满口椰香，夹面包食虽然好肥，但我喜欢食呀！个面包好吸汁，仲好弹牙。正～另外，啲杂菜种类好多，而且份量够。满足哂想食多啲菜嘅我。最后都真系太饱，净系食左个面包心同啲菜，面包壳打包返屋企，焗热佢，依然香脆！揽住个肚走都系每人$100真系抵玩。老板娘仲有好友善，同食客们倾下计。值得再来~