炑八韓烤 (已結業)

妈妈韩烧瘾起，做细嘅一定要陪吓皇后娘娘，大多数嘅韩烧舖都系任食，系就系抵啲，但肉嘅质素就一分钱一分钱。所以我地今次去试吓食啲单点嘅韩烧，想食靓啲嘅肉。前菜分别有三小碟加一碗麻酱沙津，泡菜好啱我胃口呀，酸酸地带啲甜味，辣味唔重仲好爽脆。而其他就普通无特别，最紧要系前菜食晒有得refill而炉隔离会有烤泡菜蛋同粟米芝士，粟米芝士可以就咁食，但我觉得包肉食仲好味可以包肉食嘅生菜，减低油腻感，上面嘅青瓜同萝卜应该可以沾烧肉酱一齐食。我地叫咗个set系食八爪鱼、蚝+肉，其实一望就觉得肉嘅纹路好靓，一定好多油花爆系口入面。佢嘅牛肉牛味好重，亦都好软嫩，唔称得上入口即溶，但系每咬一吓都好有牛嘅油脂香，我觉得唔洗包菜食，咁样可以食到肉嘅原味。猪肉类正正常常，都好好食。蚝、虾同八爪鱼 蚝同八爪鱼就麻麻地，只虾反而好食㖞，虽然佢唔系特别鲜甜，但系肉质好弹牙完全唔霉。套餐仲有个八爪鱼汤，我无饮到依到韩烧嘅肉类质素的确高质，我个人嚟讲只系觉得套餐分量少咗啲。